საქართველო რეგიონის ლიდერ ქვეყანაა, რომელიც გამორჩეულია დინამიკურად განვითარებადი ეკონომიკითა და ტურიზმის სწრაფად განვითარებადი სფეროს მხარდაჭერით, დაბალი გადასახადებით, სახელმწიფო სერვისების სფეროში ელექტრონული მმართველობის მაღალი სტანდარტით, სტაბილური საბანკო სექტორითა და უსაფრთხოების მოწინავე მაჩვენებლით.
ქვეყანაში არსებული ხელსაყრელი ბიზნესგარემო წლების განმავლობაში გამოქვეყნებული საერთაშორისო რეიტინგებით დასტურდება. მსოფლიო ბანკის Doing Business - ის 2018 წლის ანგარიშის მიხედვით, საქართველო 190 სახელმწიფოს შორის მე - 6 ადგილს იკავებს. ქვეყანა უკეთესი და ეფექტიანი რეგულირების კუთხით გადადგმული მნიშვნელოვანი ნაბიჯებით გამოირჩევა.
საქართველოს დედაქალაქი, თბილისი ქვეყნისა და რეგიონის ფინანსურ და ეკონომიკურ ცენტრს წარმოადგენს. ქალაქში 1.16 მლნ ადამიანი ცხოვრობს და უძრავი ქონების სექტორი სწრაფი ტემპებით ვითარდება.
